画皮姐搵前度拍MV博復合？丁可欣錄歌觸景傷情爆喊-hktvfans
画皮姐
「火雞姐」歌手丁可欣（Yanki）新歌自揭分手情史，向來敢作敢為的她，MV更邀前度做男主角，自己則親任女主角「復合」演出。Yanki與前度阿聰在今年結束七年情，分手傷心過後仍然保持朋友相處，她表示仍會與舊愛一齊打籃球，關係變了老朋友。填詞一字一淚Yanki創作的新歌《剩下我的回憶裡》，寫下這段七年情的點滴，可謂一字一淚，她說：「首次全首自己填詞，一字一句都係最刻骨銘心嘅感受，雖然分開咗，但仍然好多謝呢份過去嘅愛，首歌錄咗好耐先錄到，因為次次錄嗰陣，啲情緒撳唔到。（錄到喊？）有一兩次，感覺好複雜。（依家再聽會唔會都想喊？）會，但明白自己係過渡中，初初MV剪起咗，我都唔夠膽睇，身邊認識我同阿聰嘅朋友，好多睇完首MV都喊，因為佢哋話見住我哋拍拖，所以覺得好心痛。」真人真事情節Yanki坦言已放下感情，視前度為好朋友，於是邀對方任MV男主角，親身演繹他們的愛情故事。MV中阿聰拿着西蘭花送給Yanki，又被女方用腳頂住條腰撐上半空，又攬又抱，如真人騷。Yanki表示情節都是真人真事：「當初佢追我時，真係用西蘭花追我，朋友見證所有嘢，所以佢哋話睇完好難過。但其實我唔係想帶出我哋呢段情有幾難過，係想表達愛會令人成長，我同佢喺呢份愛中成長，我哋都冇事啦！冇大家諗咁Sad，佢仲會關心我近排工作點，我都會支持佢，如果有能力我都想盡量幫佢。」朋友覺得可惜問到可有機會復合？Yanki直言冇諗：「每一個決定都係認真，唔係兒戲，只係身邊朋友覺得我哋好可惜，但都同我哋講希望我哋努力面對各自人生，會幫我哋打氣。」